Në një kohë kur testet e vazhdueshme të raketave nga Pheniani po intensifikojnë tensionet në gadishullin Korean dhe shqetësimin global për qëllimet e Kim Jong Un, disa foto të fundit të liderit të Koresë së Veriut po komentohen gjerësisht nga përdoruesit e mediave sociale, për shkak të veshjes së tij. Ndoshta ai synon të dërgojë mesazhet e tij.

Në foto, lideri i Koresë së Veriut nuk pozon me uniformën e tij të zakonshme tërësisht të zezë, por me një këmishë të bardhë dhe kapelë ngjyrë të çelur, një pamje që u kujtoi disa përdoruesve të Twitter-it një model në Instagram me pushime. Poza e Kim Jong Un teksa shikon pamjen me kapelen e tij me të vërtetë kujton shumë postimet e blogerëve që vërshojnë platformën popullore çdo verë.

Përdorues të tjerë gjetën ngjashmëri midis Kim Jong Un dhe personazheve nga filmat e famshëm: Një postim e krahasoi atë me personazhin e luajtur nga Richard Attenborough në “Jurassic Park” të vitit 1993 , ndërsa komentues të tjerë i kujtuan heroinën e komedisë romantike “Më mirë vonë se vonë” luajtur nga Diane Keaton në 2003.

Stili i ri i Kim Jong Un nuk u komentua vetëm nga rrjetet sociale, por edhe nga emisionet televizive amerikane. Një shembull tipik është shfaqja e Jimmy Fallon, në të cilën prezantuesi i njohur trolloi pa mëshirë pamjen “plazh” të liderit të Koresë së Veriut, duke theksuar se ai duket si “një bletërritës në pushimin e tij”.

Por kishte edhe nga ata që i dhanë një tjetër dimension garderobës së rinovuar të liderit të Koresë së Veriut. Sipas Bruce Klingner, një studiues që punon me institutin kërkimor Heritage Foundation , zgjedhjet e fundit të veshjeve të Kim Jong Un mund të pasqyrojnë besimin që i jep atij ndërtimi ushtarak i vendit të tij, dhe më konkretisht programi bërthamor i vendit të tij. “Ai është i guximshëm, është