Një filxhan me lëng domatesh mund të bëjë diferencën në shëndetin tuaj kardiovaskular, sipas një studimi të publikuar nga “Medical News Today”. Hulumtuesit kanë zbuluar se konsumimi i rregullt i këtij lëngu ndihmon në balancimin e shtypjes së gjakut dhe uljen e nivelit të kolesterolit – dy faktorë kyç që lidhen ngushtë me sëmundjet e zemrës.

Ekspertët shpjegojnë se domatet janë të pasura me përbërje bioaktive si karotenoidet dhe vitamina A, të cilat luajnë një rol thelbësor në ruajtjen e shëndetit të përgjithshëm. Këto përbërës jo vetëm që përmirësojnë funksionin e zemrës, por ndikojnë pozitivisht edhe në mirëqenien psikologjike.

Studimi nënvizon rëndësinë e përfshirjes së domateve dhe lëngut të tyre në dietën e përditshme si një mënyrë natyrale dhe e thjeshtë për të parandaluar sëmundjet kardiovaskulare dhe për të përmirësuar cilësinë e jetës.