Një studim i ri nga Shkolla e Shëndetit Publik T.H. Chan e Universitetit të Harvardit ka zbuluar se konsumimi i tepërt i produkteve të mishit të kuq të përpunuar, si sallam, salçiçe dhe të ngjashme, mund të rrisë rrezikun për zhvillimin e demencës. Studiuesit, që studiuan më shumë se 134 mijë individë, zbuluan se njerëzit që konsumonin sasi të mëdha mish i përpunuar kishin një rrezik 13 për qind më të lartë për t’u diagnostikuar me demencë në vitet e mëvonshme krahasuar me ata që konsumonin më pak.

Në këtë studim, pjesëmarrësit ishin të moshës mesatare 49 vjeç, pa një diagnozë të mëparshme të demencës, dhe plotësuan një ditar ushqimor çdo 2 deri në 4 vjet, duke regjistruar ushqimet dhe frekuencën e konsumit. Studimi gjithashtu tregoi se konsumimi i arrave, bishtajoreve dhe peshkut ndihmon në uljen e rrezikut të demencës. Për shembull, zëvendësimi i mishit të kuq të përpunuar me një porcion arrash ose bishtajoreve ul rrezikun me 19 për qind, ndërsa konsumimi i peshkut ul rrezikun me 28 për qind dhe i mishit të bardhë me 16 për qind.

Gjetjet e studimit u publikuan në revistën “Akademia Amerikan e Neurologjisë” dhe janë një thirrje për një rishikim të dietës për të ruajtur shëndetin e trurit gjatë jetës.