Një stuhi e madhe ka përfshirë Kaliforninë, duke shkaktuar reshje të mëdha shiu dhe dëbore, të cilat kanë çuar në rrëshqitje dheu dhe përmbytje në disa akse rrugore të rëndësishme. Kjo stuhi ka pasur ndikim edhe në pjesë të tjera të Shteteve të Bashkuara, ndërsa një tjetër stuhi është parashikuar të mbërrijë gjatë javës së festës së Ditës së Falënderimeve, sipas meteorologut Torry Dooley nga Shërbimi Kombëtar i Motit.
Ultësira perëndimore e SHBA-së, përfshirë zona që shtrihen deri në “Great Lakes”, pranë Kanadasë, do të përfshihen nga reshje shiu dhe dëbore të hënën, ndërsa në brigjet lindore të vendit pritet një përkeqësim i motit gjatë Ditës së Falënderimeve. Zonet nga Bostoni deri në Nju Jork mund të përballen me reshje të mëdha shiu dhe erëra të forta, ndërsa në pjesët veriore të Nju Hampshërit dhe Meinit pritet të bjerë dëborë.
Stuhia e parë goditi pjesën Veriperëndimore të Shteteve të Bashkuara në fillim të kësaj jave, duke shkaktuar vdekjen e dy personave dhe duke lënë mijëra njerëz pa energji elektrike, kryesisht në zonën e Siatëllit. Pas kësaj, erërat e forta të stuhisë u zhvendosën drejt Kalifornisë Veriore, duke shkaktuar dëme dhe ndikuar në kushtet e motit në të gjithë brigjet perëndimore të vendit.
Një fenomen tjetër i konsideruar i veçantë ka ndodhur në brigjet perëndimore, ku u regjistrua një “ciklon bombë”. Ky term përdoret për të përshkruar një ciklon që intensifikohet me shpejtësi të madhe, duke sjellë erëra shumë të forta që shkaktuan rrëzimin e pemëve, dëmtimin e makinave dhe shtëpive. Reshjet e shiut në Santa Rosa të Kalifornisë vazhduan për tre ditë me radhë, ndërsa zonat në brigjet lindore, të cilat ishin goditur më parë nga zjarret, kanë përjetuar një përmirësim të kushteve për shkak të stuhisë që solli reshje shiu. Në disa pjesë të Pensilvanisë, reshjet e dëborës arritën deri në 61 centimetra, të shoqëruara me erëra të forta, duke shkaktuar vështirësi të tjera për banorët dhe udhëtarët.
Në përgjithësi, kjo periudhë ka treguar për mundësinë e përkeqësimit të motit në shumë zona të Shteteve të Bashkuara, ndërsa stuhitë dhe reshjet e shpeshta vazhdojnë të shkaktojnë probleme të mëdha për qytetarët.
