Presidenti i Ukrainës, Volodymyr Zelensky, ka konfirmuar se një sulm ajror i ushtrisë ruse gjatë natës ka lënë të paktën 3 viktima dhe mbi 30 të plagosur në disa rajone të vendit.

Sipas tij, Rusia ka shënjestruar infrastrukturën civile, duke e konsideruar këtë një përpjekje për të frikësuar popullsinë dhe dëmtuar kapacitetet jetike të Ukrainës.

BBC raporton se forcat ajrore ukrainase deklaruan se Moska ka lëshuar 619 dronë dhe raketa. Nga ana tjetër, Ministria e Mbrojtjes e Rusisë pretendon se janë përdorur “armë precize” për të goditur objektiva ushtarako-industriale.

Në anën tjetër të frontit, Rusia raportoi 4 viktima nga një sulm me dron i Ukrainës në rajonin Saratov, ku Kievi pretendon se ka goditur një rafineri të madhe nafte. Një tjetër rafineri raportohet se është dëmtuar edhe në rajonin fqinj të Samarës.