Të paktën shtatë persona janë vrarë dhe dhjetëra janë plagosur në sulmet ajrore ruse në qytetin jugor të Ukrainës, Kherson.

Nga shpërthimet janë dëmtuar ndërtesa banimi dhe administrative në zonat qendrore të qytetit.

Presidenti ukrainas Volodymyr Zelensky tha se nuk kishte objekte ushtarake në zonë.

Kherson, i vetmi kryeqytet rajonal i pushtuar nga Rusia që nga pushtimi, u çlirua nga Ukraina muajin e kaluar.

Që atëherë, Kherson ka qenë shpesh në shënjestër nga forcat ruse të pozicionuara në anën tjetër të lumit Dnipro.

Në videot e sulmit shiheshin disa trupa në tokë, makina në flakë dhe ndërtesa të dëmtuara.

Zelensky shkroi në kanalin e tij Telegram: “Këto foto e video nuk janë përmbajtje e ndjeshme – është jeta reale e Ukrainës dhe ukrainasve.”

Rusia ka mohuar shpesh të ketë shënjestruar civilët në sulmet e saj.