Pesëmbëdhjetë persona u vranë në qytetin rus të Belgorodit pas një sulmi me raketë ndaj një ndërtese banimi, njoftoi Ministria Ruse e Situatave Emergjente.
Në mesin e viktimave ka edhe dy fëmijë, raporton agjencia e lajmeve Kyiv Independent. Guvernatori i Oblastit të Belgorodit, Vyacheslav Gladkov, bëri të ditur se një pjesë e ndërtesës 10-katëshe u shemb gjatë ditës. Sipas tij, ndërtesa u godit nga një raketë ukrainase gjatë një sulmi ajror në rajon.
Ministria e Mbrojtjes në Moskë njoftoi se mbrojtja ajrore ruse rrëzoi gjashtë raketa Tochka-U mbi rajonin Belgorod. Ndërtesa e banimit u dëmtua nga një prej tyre.
