Është sekuestruar jahti “SY A” në një magazinë në portin e Triestes.

Varka me vlerë rreth 530 milionë euro është në pronësi të oligarkut rus Andrey Igorevich Melnichenko.

Ai iu nënshtrua një urdhri sekuestrimi nga Guardia di Finanza në kuadër të masave të marra ndaj manjatëve rusë të përfshirë në listën e zezë të Bashkimit Evropian.

143 metra i gjatë dhe 25 metra i gjerë, ‘Sy A’ është jahti më i madh me vela në botë. I lançuar në vitin 2015, ai është ndër më të shtrenjtët e ndërtuar ndonjëherë dhe mban flamurin e Bermudës.

Në fakt, jahti është e regjistruar zyrtarisht në një kompani britanike jashtë shtetit, por pronësia e saj në mënyrë indirekte i atribuohet Melnichenko.