Sonte do të jetë dita e së vërtetës! Sytë e të gjithë globit tek Finalja e EURO 2020, Itali-Angli do të jetë një betejë e madhe që premton spektakël.
Finalja luhet prej orës 21:00, në mitikun “Wembley” në Londër. Ky duel në vendin tonë transmetohet nga RTSH dhe Supersport, që kanë blerë të drejtat nga UEFA. Në stadium do të jenë 60 mijë tifozë në total, shumica mbështetës të vendasve.
Kombëtarja italiane dëshiron ta fitojë trofeun pas 53 vitesh, ndërsa britanikët për ta thyer mallkimin që nuk kanë mundur ta fitojnë asnjëherë si kupë.
Të dyja formacionet kanë zhvilluar një super Europian si me lojë, por edhe me rezultate dhe emocione. Italia duke arritur në finale ka mposhtur kombëtare si Uellsi, Turqia, Zvicra, Belgjika, Austria dhe Spanja. Ndërsa Anglia ka triumfuar me kombëtare si Kroacia, Çekia, Gjermania, Ukraina dhe Danimarka.
