Deputetja e Partia Demokratike e Shqipërisë, Jorida Tabaku, ka shprehur shqetësimin për krizën demografike që, sipas saj, po përjeton Shqipëria, ndërsa paralelisht po rritet numri i punonjësve në administratën publike.

Në një reagim në rrjetet sociale, Tabaku theksoi se popullsia në vend ka rënë me rreth 20%, ndërkohë që administrata publike ka arritur në rreth 185,400 punonjës. Sipas saj, raporti është rritur nga 62 në 79 punonjës për çdo 1,000 banorë.

Deputetja theksoi se ky nivel është më i lartë se mesatarja e Bashkimi Europian, e cila sipas saj llogaritet rreth 60–65 punonjës publikë për çdo 1,000 banorë.

Në deklaratën e saj, Tabaku thekson se emigracioni ka pësuar rritje të ndjeshme ndër vite. Sipas saj, në vitin 2001 rreth 800 mijë shqiptarë jetonin jashtë vendit, ndërsa sot kjo shifër ka arritur në rreth 1.46 milionë, një rritje prej 82%.

“Pra ndërsa Shqipëria zbrazet, shteti rritet. Në vend që të krijohen mundësi që shqiptarët të qëndrojnë dhe të ndërtojnë jetën këtu, po ndërtohet një shtet gjithnjë e më i madh mbi një shoqëri gjithnjë e më të vogël, për interesa elektoralë”, u shpreh Tabaku në reagimin e saj.