Në Bruksel, takimet dypalëshe të emisarëve evropianë me liderët e Kosovës dhe Serbisë kanë përfunduar, dhe tani pritet konfirmimi për nisjen e takimit të përbashkët mes kryeministrit të Kosovës, Albin Kurti, dhe presidentit të Serbisë, Aleksandar Vuçiq.

Fillimisht, përfaqësuesit e lartë të politikës së jashtme dhe sigurisë të Bashkimit Evropian, Josep Borrell dhe Mirosllav Lajçak, u takuan me kryeministrin e Kosovës, Albin Kurti. Më pas, ata pritën në takim presidentin e Serbisë, Aleksandar Vuçiq, në një vazhdim të bisedimeve për normalizimin e raporteve.

Para takimeve, Borrell tha se dialogu do të fokusohet në arritjet e deritanishme dhe nisjen e zbatimit të marrëveshjes për normalizim të raporteve, duke përmendur nevojën për veprime të konkreta pas marrëveshjeve të arritura.