Ambasadorja amerikane Yuri Kim foli per mediat jashte Kuvendit pas takimeve qe pati me kryetaren Lindita Nikolla dhe nenkryetarin e Kuvendit Agron Gjekmarkaj.

Kim tha se kjo bisedë është pjesë e traditës së ambasadorëve amerikanë në çdo nisje sesioni parlamentar, teksa vuri theksin te fakti që do të takohet me të gjithë drejtuesit e zgjedhur në mënyrë legjitime dhe që kanë rol në luftën kundër korrupsionit.

“Si pjesë e traditës si unë e pararendësit e kemi bërë pjesë të traditës të takohemi me kryetarët e Kuvendit në fillim të cdo sesioni parlamentar.

Me rëndësi për ne që të vijojmë të aganzhohemi në mënyra që theksojnë rëndësinë e ligjeve, gjithashtu dhe mbajtjen e rregullave dhe forcimin e institucioneve demokratike.

Kjo është aryseja pse ndodhesha sot këtu.

Ne do vijojmë të takohemi me të gjithë ata liderë, drejtues që janë të zgjedhur në mënyrë legjitime dhe që kanë një rol legjitim për të luajtur në forcimin e demokracisë dhe luftën kundër korrupsionit”, tha diplomatja amerikane.