Qeveria talibane ka kërkuar që stacionet televizive në Kabul të shmangin intervistat me gra afgane që nuk mbajnë shaminë tradicionale muslimane të fytyrës, hixhab. Zyrtarët kanë shtuar se do të ndalojnë punonjëset e mediave nëse nuk përmbahen në kodin e “veshjes modeste”.

Abdul Ghaffar Farooq, zëdhënësi i ministrisë talibane për Promovimin e Virtytit dhe parandalimin e Vesit, ka sugjeruar se përfaqësueset në media duhet të mbajnë veshje modeste, duke shfaqur vetëm imazhe të grave të mbuluara me hixhab, duke lënë të dukshme vetëm sytë.

Organizata e pavarur e gazetarëve në Afganistan shprehet e shqetësuar për lirinë e shtypit në vendin e qeverisur nga talibanët, duke ngritur shqetësimin për përjashtimin e mundshëm të grave nga puna në media.

Gazetarët në Afganistan dhe monitoruesit e gazetarisë janë përballur me kufizime të ashpra të punës.

Disa direktiva të qeverisë përfshijnë ndalimin e grave në radio e televizion, si dhe ndalimin e aktoreve femra në serialet vendase. Megjithatë, urdhëresat për mbajtjen e ‘hixhabit islamik’ kanë kontestime për shkak të paqartësisë dhe pamundësisë së interpretimit të saktë.