Policia ka dhënë informacionen shtesë sa i takon të shtënave me armë që u regjistruan ditën e djeshme në Kamzë.

Mësohet se një person, i paidentifikuar ende ka qëlluar nga një motor në drejtim të automjeteve të parkuara. Për pasojë janë dëmtuar dy prej tyre.

Policia vijon punën për zbardhjen e rrethanave të ngjarjes dhe identifikimin e autorit.

Njoftimi i policise:

Kamzë/Informacion shtesë.

Në vijim të informacionit paraprak të dhënë më parë, sipas të cilit në rrugën “Donald Trump”, në Kamzë, një shtetas ende i paidentifikuar, i ulur pas në motomjet, ka qëlluar me armë zjarri, nga veprimet e para hetimore rezulton se ka qëlluar në drejtim të automjeteve të parkuara, për pasojë, dy automjete kanë pësuar dëmtime.

Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.