Një burrë humbi jetën dhe një tjetër u plagos rëndë pas një incidenti me armë zjarri të ndodhur mbrëmjen e së dielës në Los Angeles Jugor.

Sipas autoriteteve lokale, ngjarja u regjistrua rreth orës 20:15, në bllokun 2200 të S. Hobart Boulevard. Oficerët e Departamentit të Policisë së Los Angeles (LAPD) bënë me dije për CBS LA se dy viktimat po qëndronin përpara një ndërtese banimi, kur një automjet që lëvizte drejt jugut iu afrua.

Policia dyshon se automjeti ndaloi për pak çaste dhe disa persona zbritën prej tij, duke hapur zjarr ndaj dy burrave. Njëri prej tyre u qëllua në kokë dhe humbi jetën në vendngjarje, ndërsa viktima e dytë u qëllua në trup dhe u transportua në spital, ku ndodhet në gjendje të qëndrueshme.

Identiteti i viktimave nuk është bërë ende publik. Autoritetet bëjnë me dije se nuk ka informacion për autorët, automjetin e përdorur apo motivin e sulmit.

“Ky do të jetë një hetim i gjatë, pasi duhet të intervistojmë dëshmitarët dhe të sigurojmë pamje filmike që mund të ndihmojnë në zbardhjen e ngjarjes,” deklaroi kapitenia e LAPD-së, Letisia Ruiz.

Hetimet vijojnë.