Kryeministrja e Serbisë, Ana Bërbaniç, komentoi urdhrin e presidentit serb, Aleksandar Vuçiç, për ngritjen e gatishmërisë luftarake të ushtrisë dhe policisë serbe.
“Ngritja e gatishmërisë së plotë luftarake do të thotë se ne jemi të gatshëm të reagojmë nëse dikush sulmon serbët në Kosovë”, tha Bërnabiç, më 27 dhjetor.
Ajo akuzoi kryeministrin e Kosovës, Albin Kurti se ka “kërcënuar me heqjen e barrikadave me forcë”.
“Shpresoj se partnerët ndërkombëtarë do të kenë arsye të mjaftueshme për të mos lejuar këtë gjë. Serbët [në Kosovë] janë vetëm duke kërkuar sundimin në bazë të ligjit dhe të drejtat themelore të njeriut”, tha Bërnabiç.
Ajo u pyet nga gazetarët që t’i përgjigjet spekulimeve të disa mediave pro-qeveritare serbe për ekzistencën e forcave të armatosura serbe në Kosovë, Bërnabiq tha se “ata që i kanë përmendur duhet t’i pyesin për këtë gjë”.
E pyetur nëse e dinte se kishte forca të armatosura serbe në Kosovë, Bërnabiç tha se “nuk do të flas për këtë në këtë moment”.
