Një ngjarje alarmante ka ndodhur në qytetin e Korçës, ku një 15-vjeçare nga Burreli ka tentuar të vetëvritet brenda ambienteve të një hoteli. E mitura, e cila raportohet se ka konsumuar një sasi medikamentesh, është dërguar menjëherë në spital, ku aktualisht ndodhet nën kujdesin e mjekëve dhe është jashtë rrezikut për jetën.

Policia e Korçës ka konfirmuar ngjarjen, duke theksuar se materialet përkatëse janë referuar në Prokurori për veprime të mëtejshme. “Gjithashtu, referoi materialet në Prokurori, pasi një shtetase 15 vjeçe, banuese në Burrel, ka tentuar të vetëvritet duke konsumuar një sasi medikamentesh, në ambientet e një hoteli. Aktualisht ndodhet në kujdesin e mjekëve, jashtë rezikut për jetën,” njoftoi policia.

Arsyet që kanë çuar këtë të re në një akt kaq të rëndë ende nuk janë të qarta dhe hetimet po vazhdojnë për të zbardhur rrethanat e ngjarjes.