Tre emigrantë të paligjshëm nga Meksika janë kapur nga autoritetet teksa tentuan të kalojnë kufirin drejt SHBA-së. Ata ishin kamufluar me një veshje si shkurre që përdoren në ushtri.

Foton e tre emigrantëve e ka publikuar agjentja kryesore e patrullës kufitare, Gloria Chavez.

“Taktikat e reja të emigrantëve” – shkruan në krah të postimit në Tëitter.

Sipas mediave të huaja, 3 emigrantët nga Meksika ishin duke u zvarritur në tokë në mënyrë që t’i shpëtonin monitorimeve.

Por një “shkurre” që lëviz nuk ka se si mund t’i shpëtojë kontrolleve. Sektori i El Pasos ka parë një rritje prej 60% të kapjes së emigrantëve që përpiqen të kalojnë ilegalisht në SHBA.