Zhvillime të reja përsa i përket krizës mes Rusisë dhe Ukrainës. Sipas agjencisë së lajmeve AFP, disa force ruse pranë Ukrainës po kthehen në bazën e tyre.

Moska, sipas agjencisë franceze, thotë se disa trupa pranë Ukrainës po kthehen në bazat e tyre, pas akumulimit të forcave ruse rreth kufirit ukrainas, gjë që ngjalli frikën e pushtimit.

“Njësitë në rrethet ushtarake jugore dhe perëndimore do të fillojnë të lëvizin drejt bazave të tyre ushtarake ,” citoi AFP nga disa burime ruse.

Prej javësh tensionet mes Rusisë dhe Ukrainë janë shtuar. Liderët e BE ka zhvilluar bisedime në Moskë dhe në Kiev me synimin uljen e tensioneve mes vendeve, pas paralajmërimit nga SHBA se Ukraina do të sulmohet nga Rusia këtë të mërkurë.

Përpjekjet diplomatike për të shmangur atë që zyrtarët amerikanë kanë paralajmëruar se mund të ishte një sulm i afërt rus në Ukrainë, hynë në një raund të ri të hënën. Kryediplomati rus këshilloi presidentin Vladimir Putin të vazhdojë bisedimet ndërsa kancelarja gjermane u takua me presidentin ukrainas.

Shtetet e Bashkuara thanë se do të mbyllin ambasadën e tyre në Ukrainë dhe do të zhvendosin të gjithë punonjësit e mbetur atje në një qytet afër kufirit polak, pasi frika e pushtimit po intensifikohet.