Rrjeti telemetrik sizmologjik i Republikës së Maqedonisë së Veriut, i mirëmbajtur nga Observatori Sizmologjik pranë Fakultetit të Shkencave Natyrore dhe Matematikës në Shkup, ka regjistruar mbrëmjen e kaluar një tërmet me epiqendër në territorin e Republikës së Kosovës.

Sipas të dhënave zyrtare, lëkundja sizmike është shënuar në orën 23:09, rreth 46 kilometra në veriperëndim të Shkupit, me magnitudë lokale ML 3.0 sipas shkallës Rihter. Tërmeti është ndjerë në qytetin e Tetovës dhe në zonat përreth, me intensitet III gradë sipas Shkallës Evropiane të Makroseizmikës.

Autoritetet bëjnë të ditur se, deri në këto momente, nuk ka raportime për dëme materiale apo persona të lënduar. Institucionet përkatëse vijojnë monitorimin e situatës.