Tetë persona të tjerë janë shoqëruar në komisariatin e policisë së Vlorës për t’u marrë në pyetje për atentatin ndaj dy efektivëve të policisë, Anxhelo Breshani dhe Nako Mehmetaj të cilët nuk kanë marrë lëndime.

Breshani po përcillte kolegun e tij Mehmetaj për në shtëpi pasi kishin përfunduar palestrën kur u sulmuan me armë zjarri nga një person që udhëtonte në automjetin tip “Wolswagen”. Më herët, u bë me dije se një prej pistave të dyshimit ishte ajo që autori të kishte qëlluar ndaj dy efektivëve pasi kishte menduar se po sulmohej duke qenë se ata e parakaluan me një “Audi” me xhama të zinj dhe pa targa.

Automjeti me të cilin janë larguar autorët, ka targa të rregullta dhe me shumë mundësi personat që kanë qëlluar ndaj Anxhelo Breshanit dhe Nako Mehmetajt, nuk e dinin se këta dy të fundit ishin efektivë policie. Ndërkohë dy efektivët, në dëshmitë e tyre kanë deklaruar se nuk kishin asnjë lloj konflikti.