Pas mbarimit të “Big Brother VIP Albania”, thashethemet për një marrëdhënie të mundshme mes Eglit dhe instruktorit të palestrës, Mario, kanë tërhequr vëmendjen e publikut.

Çdo gjë filloi pas një deklarate të Gert Ferrës në një emision në Top Albania Radio, ku ai zbuloi se Mario kishte shoqëruar Eglin në studiot e Top Channel një ditë para hyrjes së saj në shtëpinë më të famshme në Shqipëri. Kjo ka ngjallur shumë dyshime, por nuk janë ndalur këtu. Dy foto të realizuara në Itali për një kompani orash, ku Egli dhe Mario shfaqen në të njëjtin vend dhe në të njëjtën kohë, i kanë shtuar zërat për një lidhje mes tyre.

Situata ka marrë një tjetër kthesë kur Mario ka reaguar në Instagram me një postim thumbues: “Është e diel, je ‘instruktor palestre’, jeta është e bukur”, një përgjigje ironike ndaj një komenti të Eglit, e cila e kishte cilësuar atë vetëm si një instruktor. Ky postim ka intensifikuar më tej spekulimet mbi marrëdhënien mes tyre.

Gjithashtu, një detaj tjetër ka bërë që të mendohet se raporti mes Eglit dhe Mario-s është ftohur. Ata nuk ndiqen më në Instagram, një veprim që ka ngritur më shumë dyshime për ndarjen e tyre.

Për momentin, nuk ka asnjë konfirmim zyrtar nga të dyja palët, por përpjekjet për të zbuluar të vërtetën vazhdojnë të mbajnë publicitetin të ndezur.