“The Guardian” sjell një pasqyrim të situatës ndërsa theksohet se ekspertët e klimës pajtohen se çdo veprim që kufizon ngrohjen globale redukton vuajtjet e njerëzve nga ndikimet klimatike.

Kriza klimatike ka arritur në një “moment vërtet të zymtë”, ka thënë një nga shkencëtarët kryesorë të klimës në botë, pasi një mori raportesh zbuluan se sa afër është planeti ndaj katastrofës.

Veprimi kolektiv është i nevojshëm nga kombet e botës më shumë se në çdo moment që nga Lufta e Dytë Botërore për të shmangur pikat e kthimit të klimës, tha Prof Johan Rockström, por tensionet gjeopolitike janë në nivele të larta.

Emetimet duhet të bien përgjysmë, të paktën deri në vitin 2030 për të përmbushur objektivin e rënë dakord ndërkombëtarisht prej 1.5 gradë celcius.

Të enjten, Shell dhe TotalEnergies dyfishuan fitimet e tyre tremujore në rreth 10 miliardë dollarë.

Gjigantët e naftës dhe gazit kanë gëzuar fitime në rritje, pasi kërkesa është rritur pas Covid-it dhe pas pushtimit të Ukrainës nga Rusia.

Sektori pritet të grumbullojë 4 trilion dollarë në vitin 2022, duke forcuar thirrjet për taksa të mëdha të papritura për të trajtuar krizën e kostos së jetesës dhe për të financuar tranzicionin e energjisë së pastër.

Hulumtimi nga Rockström, botuar në shtator, zbuloi se pesë pika të rrezikshme klimatike mund të jenë kaluar tashmë për shkak të ngrohjes globale të shkaktuar nga njerëzimi deri më sot, duke përfshirë shembjen e kapakut të akullit të Grenlandës, me pesë të tjera të mundshme me 1.5C ngrohje.