Florencia Guinazu, futbolliste e Club Atletico Argentino, u gjet e vrarë në shtëpinë e saj më 6 prill, duke tronditur botën e futbollit argjentinas.

Viktima, nënë e një djali shtatë vjeçar dhe një vajze pesë vjeçare, humbi jetën nga asfiksia.

Ishi i dashur i Florencia Guinazu la një shënim në derën e shtëpisë, ku shpjegonte krimin dhe i bënte thirrje policisë për të mbrojtur fëmijët, përpara se të vriste veten.

“Thërrisni policinë, fëmijët janë vetëm”, ka shkruar vrasësi në derën e shtëpisë përpara se të vriste veten. Një mesazh i zbuluar nga një fqinj, i cili ngriti alarmin dhe më pas u zbulua e gjithë skena tragjike.