Kreu i PD, Lulzim Basha ka reaguar sërish sot, një ditë pasi kryeministri Edi Rama u bëri thirrje kryetarëve të bashkive që t’u japin fund praktikave korruptive me tenderat dhe prokurorimet dhe të mos bëhen objekt i hetimeve të SPAK-ut.
Basha publikon një shkrim të “Zërit të Amerikës”, që analizon deklaratat e Ramës me kryebashkiakët, ku kritika kryesore është ajo e abuzimit me tenderat, dhe ku citon “Open Data”, që thotë se “Qeveria ka më shumë shkelje në tendera se bashkitë”.
Kryedemokrati Basha shkruan se qytetarët e dinë “që Rama në qeveri është më i dëmshëm se “Ramët” e emëruar prej tij në bashkitë e vendit”.
“Shqiptarët e dinë që Rama në qeveri është më i dëmshëm se “Ramët” e emëruar prej tij në bashkitë e vendit. Dy gjëra janë të qarta, së pari që ky regjim është i korruptuar deri në palcë dhe së dyti që PESHKU QELBET NGA KOKA 👇”, shkruan Basha.
