Shtetet e Bashkuara dhe 17 shtete të tjera, përfshirë Francën, Gjermaninë dhe Britaninë e Madhe, po bëjnë thirrje për “lirimin e menjëhershëm të të gjithë pengjeve të Hamasit në Gaza”.

Një zyrtar i lartë i Shtëpisë së Bardhë e tha këtë në një konferencë me një grup gazetarësh, duke parashikuar lëshimin e një deklarate të përbashkët.

Presidenti amerikan Joe Biden ka publikuar një foto me Abigail Edan, një amerikane 4-vjeçare, e cila u lirua në nëntorin e vitit të kaluar pas disa javësh nën robërinë ë Hamas në Gaza.

Përmes një postimi në rrjetin social “X”, Biden nënkupton se SHBA po trajton si prioritet lirimin e pengjeve në duart e Hamasit. Të paktën tre persona u vranë dhe disa të tjerë u plagosën në një sulm ajror izraelit që goditi një ndërtesë banimi në qytetin Rafah, në Rripin jugor të Gazës, raporton agjencia palestineze Wafa.

Sipas shtypit izraelit, ushtria izraelite po përgatitet të fillojë evakuimin e mbi një milion palestinezëve në funksion të ofensivës kundër qytetit. 40 objektiva të Hezbollahut goditen në Liban. Numri i trupave të gjetur nga ekipet e Mbrojtjes Civile Palestineze në spitalin Nasser në Khan Yunis rritet në 324, sipas Zyrës së OKB-së për Çështjet Humanitare.