TikTok ka prezantuar një paketë përditësimesh që synojnë të rrisin sigurinë e përdoruesve të rinj dhe të fuqizojnë prindërit në menaxhimin e përmbajtjes që fëmijët e tyre shohin në platformë.

Përmes përmirësimeve në opsionin “Family Pairing”, prindërit do të marrin njoftime sa herë që fëmijët e tyre publikojnë video, do të kontrollojnë cilësimet e privatësisë dhe mund të fshehin apo bllokojnë llogari specifike nga feed-i i tyre. Kjo veçori do të ofrohet fillimisht në Evropë.

“Dëgjuam nga prindërit se ata e dinë më mirë se çfarë përmbajtje është e përshtatshme për adoleshentin e tyre,” tha Suzy Loftus, zyrtare e sigurisë në TikTok US, duke e cilësuar këtë hap si një përgjigje ndaj shqetësimeve për ndikimet psikologjike dhe përmbajtjen e dëmshme.

Një modul i ri për mirëqenien digjitale do të prezantojë “misione” që ndihmojnë në kufizimin e kohës para ekranit dhe promovimin e zakoneve të shëndetshme online.

Në anën e krijuesve të përmbajtjes, TikTok ka nisur Modalitetin e Kujdesit për Krijuesin, që filtrin automatikisht komentet fyese, dhe u jep atyre mundësinë të bllokojnë fjalë, fraza apo emoji të caktuara gjatë transmetimeve live.

Platforma po teston gjithashtu në SHBA veçorinë “Shënime në Fusnota”, që u lejon përdoruesve të shtojnë burime dhe kontekst informativ poshtë videove – një mjet për të luftuar dezinformimin.

TikTok paralajmëron se të gjitha këto risi do të shpërndahen globalisht në muajt në vijim.