Një ngjarje e trishtueshme ka ndodhur në Tiranë, ku një vajzë e vogël, 2-vjeçare, është transportuar me urgjencë në spitalin “Nënë Tereza” pas dyshimeve se është djegur nga bishti i një cigareje.

Policia ka njoftuar se dyshohet se vajza është djegur aksidentalisht nga vëllai i saj 9-vjeçar, i cili ka qenë duke luajtur me një cigare të ndezur.

Ngjarja ka ndodhur në shtëpinë e tyre, dhe vajza është transportuar menjëherë në spital për trajtimin e plagëve të mëdha nga djegia.

Njoftimi i policisë:

Ditën e djeshme, është paraqitur për ndihmë mjekësore në spitalin “Nënë Tereza”, e shoqëruar nga nëna e saj, një e mitur 2 vjeçe, të cilën e ka djegur aksidentalisht (duke luajtur me një bisht cigare) vëllai i saj i mitur 9 vjeç.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.