Policia e Tiranës ka finalizuar operacionin e koduar “Lockdown” pas një hetimi dy mujor, duke arrestuar katër persona të dyshuar për trafik dhe shitje armësh zjarri. Armët dyshohet se ishin sjellë nga Kosova dhe më pas magazinuar në zonën e Selitës në Tiranë.

Në pranga ranë: Gloris Nezaj, 39 vjeç; Rezarto Rumi, 48 vjeç; Kelvin Caushi, 49 vjeç; dhe Ardjan Caushi, 45 vjeç.

Gjatë kontrollit të banesave dhe ambienteve të përdorura nga grupi, policia sekuestruar 8 armë zjarri (5 pistoleta dhe 3 automatikë), pjesë armësh, një armë gjahu, krehra dhe municion, 3 radio policie, një jelek multifunksional dhe 9 celularë.

Hetimet dyshohet se zbuluan një strukturë ku armët modifikoheshin dhe magazinoheshin për t’u shitur më pas në Tiranë. Materialet procedurale janë referuar Prokurorisë për veprime të mëtejshme, ndërsa policia vijon punën për identifikimin e personave të tjerë të përfshirë.