Dy punonjës të Policisë Bashkiake në Tiranë janë dhunuar fizikisht nga dy persona, të cilët i kanë sulmuar për shkak të detyrës.

Policia e Tiranës konfirmoi sot (27 maj) ngjarjen dhe njoftoi nisjen e hetimeve, si dhe shpalljen në kërkim të dy agresorëve: K. C., 29 vjeç, dhe E. Gj., 39 vjeç.

Ngjarja po hetohet nga Komisariati Nr. 3, ndërsa ende nuk janë zbardhur plotësisht dinamika dhe motivet e incidentit. Policia vijon punën për kapjen e të dyshuarve dhe sqarimin e rrethanave të ngjarjes.