Policia e Tiranës ka finalizuar operacionin “Kombinimi”, duke arrestuar Markeliano Pirtea, 35 vjeç, banues në kryeqytet, i dyshuar për shpërndarje të lëndëve narkotike dhe armëmbajtje pa leje.

Gjatë kontrollit në banesën e tij, uniformat blu sekuestruan një pistoletë, municion luftarak dhe rreth 135 gramë kokainë, e ndarë në doza, që dyshohet se do të shitej në treg.

Hetimet paraprake tregojnë se Pirtea, pas sigurimit të drogës, e ndante atë në doza për shitje. Përveç kësaj, gjatë një konflikti të mëparshëm për motive të dobëta, ai kishte goditur me qytën e pistoletës një tjetër person, duke i shkaktuar lëndime sipërfaqësore.

Materialet procedurale janë referuar Prokurorisë për veprime të mëtejshme ligjore.