Pas spektaklit të hënës së kuqe, qielli do të ofrojë një tjetër surprizë astronomike këtë fundjavë. Të dielën do të ndodhë eklipsi i pjesshëm i Diellit, i cili do të arrijë deri në 78% mbulim të diskut diellor. Ky fenomen do të jetë i dukshëm vetëm në jugun e Zelandës së Re dhe disa zona të Antarktidës.
Sipas instituteve astronomike, eklipsi do të nisë në 19:29, do të kulmojë në 21:41, dhe do të përfundojë rreth 23:53. Në shkallë globale, magnituda maksimale do të arrijë 0,855, që përkthehet në afro 80% errësim të Diellit.
Në qytetin e Auckland, eklipsi do të shihet nga 06:10 deri në 08:04 sipas orës lokale. Edhe pse nuk do të jetë i dukshëm nga Evropa dhe Shqipëria, fenomeni pritet të tërheqë vëmendjen e qendrave kërkimore dhe platformave shkencore ndërkombëtare, duke ofruar mundësi për një shikim virtual të tij.
