Detaje tronditëse janë zbuluar nga ngjarja e rëndë e ndodhur në Tiranë, ku një 21-vjeçar është plagosur rëndë pas një sulmi brutal nga tre persona.

Sipas burimeve, autorët kanë shkuar te banesa e të riut dhe e kanë goditur me shishe në kokë, duke i shkaktuar dëmtime të shumta, ndërsa një pjesë e veshit i është prerë gjatë sherrit.

Policia e Tiranës njofton se ngjarja ka ndodhur në rrugën “Mihal Popi” dhe se pas veprimeve të shpejta hetimore janë identifikuar dhe arrestuar tre autorët:
• Florjan Faslia, 18 vjeç
• Mentor Daja, 21 vjeç
• Samuel Tahiraj, 19 vjeç

Konflikti, sipas policisë, ka shpërthyer për motive të dobëta. Aktualisht, Marko Bega, 21 vjeç, ndodhet në spital nën kujdesin e mjekëve.

Policia ka referuar materialet në Prokurori, ndërsa tre të rinjtë do të përballen me akuzën për “Plagosje të rëndë me dashje, kryer në bashkëpunim”.