Një tjetër makinë është përfshirë nga flakët në rrugën Vlorë -Kaninë, sërish dyshohet për defekt teknik.

Makina ka qenë në lëvizje, duke ngjitur rrugën e Kaninës. Ndërhyrja në kohë e zjarrfikëses ka bërë të mundur shuarjen në kohë të flakëve.

Si pasojë e zjarrit raportohen dëme të vogla materiale.

Njoftimi i policisë:

Rreth orës 08:05, në aksin rrugor Vlorë-Kaninë, ka marrë flakë, në ecje e sipër, automjeti tip “Benz” me drejtues shtetasin E. N. Për pasojë janë shkaktuar vetëm dëme materiale.

Grupi hetimor po punon për sqarimin e plotë të rrethanave të ngjarjes. Paraprakisht dyshohet se zjarri ka rënë për shkak të një defekti në mjet.