Nënkryetari socialist i komisionit hetimor parlamentar për ndërhyrjen në sistemin TIMS shpreh shqetësimin se dëshmia e ministrit të Brendshëm, Taulant Balla, nuk mund të vazhdonte pasi disa deputetë nuk kishin certifikatë sigurie.
Kam katër orë që dëgjoj një maskaradë paligjshmërie dhe vishet edhe maska e shout. Parlamenti po heton një nga çështjet e sigurisë kombëtare. Kemi thirrur dëshmitarët dhe ata janë paraqitur.
Shteti ka ardhur sepse vlerëson se është një çështje sensitive. Në momentin që sekreti shtetëror duhet t’u paraqitet deputetëve rezulton që një grup deputetësh rezultojnë pa certifikatë sigurie. Kur kërkesat hidhen për votim janë procedurale. Në paligjshmëri të plotë, në vendimin e ndërmjetëm për dyer të mbyllura, kryetari futi edhe ca kërkesa të tjera.
Në momenti kur kishte pyetje, ministri tha se kam informacion por është sekret shtetëror. Ne jemi të gatshëm të vazhdojmë punën e emisionit. Ka mjaftueshëm deputetë që e kanë certifikatën e sigurisë. Mbledhja mund të vazhdonte dhe u kërkua që të gjithë të merrnin pjesë duke u pajisur me certifikatë sigurie”, tha ai.
Ai akuzon një “maskaradë paligjshmërie” në procedurat e komisionit, duke thënë se kjo çështje është e ndjeshme për sigurinë kombëtare. Nënkryetari thekson nevojën për të respektuar procedurat dhe sigurinë, duke kërkuar pjesëmarrjen e të gjithë deputetëve të pajisur me certifikata sigurie.
