CIES Football Observatory ka publikuar një studim të ri që rendit lojtarët më të shtrenjtë në botë, dhe në krye të listës është një futbollist anglez që luan për Real Madrid. Jude Bellingham është vlerësuar me 251,4 milionë euro, duke zënë vendin e parë. Pas tij renditen Erling Haaland dhe Vinicius Junior, të cilët kanë të njëjtën vlerë prej 221,5 milionë euro.

Në këtë renditje, dominuar nga lojtarët e La Liga dhe Premier League, Real Madrid ka 4 lojtarë në “Top-10”, ndërkohë që Serie A ka vetëm një përfaqësues, Lautaro Martinez, i cili është i 20-ti në listë.

10 Futbollistët Më të Shtrenjtë:

1. Jude Bellingham (Real Madrid) – 251.4 milionë euro
2. Erling Haaland (Manchester City) – 221.5 milionë euro
3. Vinicius Junior (Real Madrid) – 221.5 milionë euro
4. Lamine Yamal (Barcelona) – 180.3 milionë euro
5. Kylian Mbappé (Real Madrid) – 175.2 milionë euro
6. Bukayo Saka (Arsenal) – 157.3 milionë euro
7. Florian Wirtz (Bayer Leverkusen) – 151.2 milionë euro
8. Cole Palmer (Chelsea) – 150 milionë euro
9. Phil Foden (Manchester City) – 144.6 milionë euro
10. Rodrygo (Real Madrid) – 141.3 milionë euro

Ky studim ka nxjerrë në pah dominimin e lojtarëve të rinj dhe ata që luajnë për klubet më të fuqishme evropiane, kryesisht në La Liga dhe Premier League.