Ministri i Mbrojtjes, Niko Peleshi ka publikuar pamjet nga trageti në flakë i linjës Brindizi-Gumenicë. Në operacionin për shuarjen e zjarrit të tragetit që është përfshirë nga flakët mbrëmjen e djeshme në detj anë bashkuar edhe forcat detare të Shqipërisë.
Peleshi bën me dije se zjarri ka rënë jashtë ujërave territoriale shqiptare, por operacioni po kryhet në ujërat tona, 5 milje larg Porto Palermos.
“Dy anijet të Forcës Detare shqiptare i janë bashkuar përpjekjeve për shuarjen zjarrit në tragetin e linjës Brindizi-Gumenicë të përfshirë nga flakët mbrëmjen e djeshme në det.
Fillimisht zjarri ka rënë jashtë ujërave tona territorial, por tashmë operacioni po kryhet në ujërat tona territorial, 5 milje larg Porto Palermos.
Në operacionin që po drejtohet nga pala greke janë angazhuar edhe anijet e Forcës sonë Detare, Butrinti dhe ajo patrulluese R-117. Më herët pasagjerët dhe pjesëtarët e ekuipazhit janë evakuuar nga anija”, shkruan ministri Peleshi.