Një ngjarje tragjike ka ndodhur në plazhin e Potamit, ku një fëmijë 5-vjeçar ka gjetur vdekjen pasi është përplasur nga një skaf.

Bëhet fjalë për një vajzë 5-vjeçare, e cila ka qenë duke pushuar me familjen e saj në breg të detit.

Burime bëjnë me dije se e mitura ka ndërruar jetë gjatë transportimit për në spitalin e Himarës, për shkak të plagëve të marra.

Mësohet se policia ka shoqëruar drejtuesin e skafit, i cili rezulton që të jetë një ish-efektiv policie.

Policia ka dështuar të marrë masa parandaluese në lidhje me këtë tragjedi që në fakt është e paralajmëruar, pasi është incidenti i tretë me pasoja, në harkun kohor të më pak se një muaji.

Deputeti i PD Kreshnik Çollaku, i cili ka parë të gjithë skenën shkruan:

Ky skaf ne breg te detit ne Himare sapo vrau nje vazje 10 vjecare.

Kafsheria per te performuar me skafe te tilla ne breg te detit,dhe humbja totalisht e kontrollit policor mbi vijen bregdetare sot shkaktoi nje viktime 10 vjecare.

Cfare duhet akoma per te ndaluar idiotet e ujit me skafet e shtrenjta te vrasin ???

Ky është incidenti i tretë me pasojë jetën dhe shëndetin e pushuesve në plazhet shqiptare, pasi më herët një gomone përplasi ëiftin e të rinjve në Jalë, dhe ndërkohë një tjetër 7-vjeçar mbeti i lënduar në Vlorë.

Pavarësisht pretendimeve të policisë për të shtuar kontrollet, shteti duket se është i dorëzuar përballë të ‘fortëve të ujit’, që ditën e sotme prenë në mes rrugëtimin e jetës së një 5-vjeçarej