Një ngjarje tronditëse ka ndodhur pasditen e së dielës në zonën e Messinias, në Kalamata të Greqisë, ku një 61-vjeçar ka vrarë me gërshërë prindërit e tij, një burrë 96 vjeç dhe një grua 93 vjeçare, brenda banesës së tyre.

Krimi i rëndë ndodhi rreth orës 18:00, ndërsa mediat greke raportojnë se autori dyshohet se vuan nga probleme të shëndetit mendor.

Sipas raportimeve, fqinjët alarmuan policinë, pasi dëgjuan britma të forta që vinin nga banesa e çiftit të moshuar. Policia ka ndërhyrë menjëherë në vendngjarje dhe ka arrestuar autorin e dyshuar.

Trupi i të moshuarve është gjetur me shenja të shumta goditjesh, ndërsa autoritetet janë duke hetuar rrethanat e krimit, si dhe gjendjen psikiatrike të autorit.

Ngjarja ka shkaktuar tronditje të madhe në komunitetin lokal, ndërsa policia dhe shërbimet sociale po merren me hetimin e plotë të rastit.