Një incident i rëndë ka ndodhur pasditen e sotme në një nga zonat më luksoze të kryeqytetit. Apartamenti i ish-banores së Big Brother, Françeska Murati, në kompleksin Lake View, është përfshirë nga flakët, vetëm pak ditë pasi ajo kishte finalizuar blerjen e tij.

Sipas burimeve paraprake, banesa ishte blerë për një vlerë prej rreth 500 mijë euro, dhe për fat të mirë nuk raportohet për të lënduar, por dëmet materiale janë të konsiderueshme.

Zjarrfikësit dhe autoritetet përkatëse ndodhen në vendngjarje dhe po vijojnë hetimet për të zbardhur shkaqet e zjarrit, të cilat ende nuk janë bërë publike.

Ngjarja ka shkaktuar reagime të shumta në rrjete sociale, ku ndjekësit e Françeskës kanë shprehur shqetësimin dhe mbështetjen për të. Ende nuk dihet nëse ajo ndodhej në banesë në momentin e shpërthimit të zjarrit.

Më shumë detaje pritet të publikohen nga autoritetet në orët në vijim.