Një aksident i rëndë ka ndodhur në Etiopi, ku të paktën 25 persona kanë humbur jetën pasi autobusi me të cilin udhëtonin është përmbysur.

Shkaqet e aksidentit ende nuk janë zbardhur, ndërsa autoritetet po hetojnë rrethanat e tragjedisë.

Aksidentet rrugore janë të zakonshme në Etiopi, për shkak të infrastrukturës së dobët dhe mirëmbajtjes së keqe të rrugëve.

Vetëm një muaj më parë, një tjetër aksident tragjik ndodhi në vend, ku mbi 70 persona humbën jetën pasi një kamion me pasagjerë ra në lumë. Ky ishte aksidenti më i rëndë në Etiopi që nga viti 2000.

Tragjedi të tilla ngrenë alarmin për sigurinë rrugore dhe nevojën urgjente për masa parandaluese.