Një 45-vjeçar ka humbur jetën mëngjesin e sotëm teksa po punonte tokën në Levan, Fier. Banorët e zonës e gjetën në gjendje të rëndë shëndetësore dhe njoftuan menjëherë ambulancën, por përpjekjet e ekipit mjekësor për ta shpëtuar ishin të pasuksesshme.

Nga këqyrja paraprake e trupit nuk janë konstatuar shenja dhune, ndërsa dyshohet se shkaku i vdekjes ishte një arrest kardiak. Ngjarja ka tronditur komunitetin lokal, ndërsa autoritetet po vijojnë hetimet për të konfirmuar rrethanat e sakta.