FIER – Një ngjarje tragjike ka ndodhur mesditën e sotme në fshatin Suk 2 të Roskovecit, ku një vajzë vetëm 4 vjeçe ka humbur jetën pasi është zënë poshtë nga shembja e një muri rrethues.

Sipas informacionit paraprak të Policisë së Fierit, ngjarja ka ndodhur rreth orës 12:40, në pronën e shtetasit L. T., babait të të miturës. Muri rrethues i banesës është shembur në mënyrë të papritur, duke i marrë jetën të voglës në vendin e ngjarjes.

Grupi hetimor ndodhet në vendngjarje dhe po punon për të zbardhur plotësisht shkaqet dhe rrethanat e kësaj fatkeqësie.

Kjo tragjedi ka tronditur komunitetin lokal dhe ngre shqetësime serioze për sigurinë strukturore të banesave dhe rrethimeve në zonat rurale.