Një i ri shqiptar ka ndërruar jetë tragjikisht pas një aksidenti në Forli, Itali. Sipas mediave italiane, i riu po lëvizte me monopatinë kur u godit nga një automjet i drejtuar nga një 60-vjeçar. Ngjarja e rëndë ndodhi të premten, rreth orës 21:00.

Pas aksidentit, shqiptari u transportua me urgjencë në spital, por fatkeqësisht ndërroi jetë pas më shumë se 24 orësh përpjekjesh për ta shpëtuar. Dyshohet se aksidenti ndodhi për shkak të kushteve të errësirës dhe motit të keq.

Trupi i të ndjerit është ende në dispozicion të autoriteteve për kryerjen e autopsisë. I riu, i cili ishte baba i një djali 6-vjeçar, po përballet me një humbje tragjike që ka prekur thellë familjen dhe komunitetin.