Arben Zogu, 46 vjeç bashkë me dy djemtë e tij të mitur Rubensin 19 vjeç dhe Estin 14 vjeç si dhe nipin e tij Melis Zogu, vetëm 20-vjeç, janë mbytur në liqenin e Hidrocentralit të Banjës në fshatin Drizë të Gramshit.

Alarmin për mbytjen e tyre e dhanë familjarët, të cilët njoftuan policinë, duke thënë se 4 anëtarët e familjes Zogu janë futur në liqen për t’u larë dhe nuk kanë dalë më që aty.
Gjithçka që u gjet në breg të liqenit, ishin dy motoçikleta, tre celularë dhe rrobat e trupit! Trupi i parë që u nxorr nga uji ishte ai i 46-vjeçarit Arben Zogu, e më pas u gjetën dhe nxorrën nga forcat palombare të Reneas, edhe 2 trupat të tjerë. Vijojnë kërkimet për nxjerrjen e trupit të katërt.