Një fëmijë dhe një grup emigrantësh kanë humbur jetën teksa po përpiqeshin të kalonin Kanalin Anglez, duke shkaktuar një tragjedi të rëndë. Ministri i Brendshëm francez, Bruno Retailleau, njoftoi se fëmija është shkelur për vdekje në një varkë. Ai theksoi se kjo ngjarje e tmerrshme duhet të ngrejë ndërgjegjësimin për situatën dramatike të emigrantëve. “Kontrabandistët e njerëzve kanë gjakun e këtyre viktimave në dorë, dhe qeveria jonë do të forcojë luftën kundër këtyre mafiozëve që po pasurohen duke organizuar këto kalime të vdekjes,” shkroi Retailleau në platformën sociale X.

Sipas gazetës franceze “La Voix du Nord,” të paktën katër emigrantë humbën jetën në ngjarje, përfshirë dhe një fëmijë të vogël. Agjencia e lajmeve AFP raportoi se një varkë me emigrantë që po udhëtonte drejt Britanisë bëri thirrje për ndihmë të shtunën në mëngjes, dhe shpëtimtarët arritën të shpëtojnë 14 persona. Një emigrant i plagosur u transportua me helikopter në një spital në Boulogne, Francë, ndërsa pjesa tjetër e pasagjerëve vazhduan udhëtimin e tyre. BBC raportoi gjithashtu për tragjedinë e përshkruar si një nga kalimet më të rrezikshme në Kanalin Anglez.