Një ngjarje e rëndë ka tronditur qytetin e Klinës në Kosovë mbrëmjen e 13 nëntorit. Dy të rinj, kushërinjtë Albison Shlivova dhe Rexhep Shlivova, u vranë me armë zjarri brenda një lokali. Autori i dyshuar i ngjarjes është 19-vjeçari Jon Hoti, djali i ish-kandidatit të Lidhjes Demokratike të Kosovës (LDK) për kryetar të Klinës, Besim Hotit.

Sipas burimeve të mediave kosovare, mes viktimave dhe autorit të dyshuar kishte pasur një konflikt të mëparshëm, i cili dyshohet të jetë edhe shkaku i kësaj tragjedie. Pas ngjarjes, Jon Hoti u arrestua nga Policia e Kosovës dhe ndodhet në paraburgim për hetime të mëtejshme.

Mediat kanë publikuar gjithashtu fotot e viktimave, duke rritur edhe më tej tronditjen për komunitetin lokal dhe më gjerë.