Një ngjarje tragjike ka ndodhur këtë të premte në Sisi Lasithiou, Kretë, ku një 68-vjeçar shqiptar humbi jetën aksidentalisht gjatë punës. Sipas raportimeve të mediave greke, incidenti ndodhi rreth orës 06:30 të mëngjesit, teksa viktima po ulte disa sende me litar nga ballkoni i katit të dytë të një banese ku po punonte.

Fatkeqësisht, ai humbi ekuilibrin, ndoshta për shkak të peshës së rëndë të sendeve, dhe ra nga një lartësi e konsiderueshme. Menjëherë pas ngjarjes, në vendin e incidentit mbërriti një ekip i urgjencës mjekësore, EKAB, por përpjekjet e tyre ishin të kota. 68-vjeçari kishte ndërruar jetë në vend, si pasojë e plagëve të rënda që kishte pësuar nga rënia. Identiteti i viktimës nuk është bërë ende publik nga autoritetet greke.