Një ngjarje e rëndë ka tronditur lagjen Gorla në Milano, ku një 29-vjeçare, Pamela Gelmini, u masakrua me thikë në banesën e saj nga një 52-vjeçar, Gianluca Sonci.
Fqinjët, të alarmuar nga britmat që vinin nga apartamenti, telefonuan menjëherë policinë. Efektivët dhe shërbimet e urgjencës mjekësore mbërritën në vendngjarje, por Gelmini kishte ndërruar jetë.
Sipas hetimeve paraprake, viktima dhe 52-vjeçari, të dy italianë, kishin një lidhje jashtëmartesore, por 29-vjeçarja kishte vendosur të ndahej. Dëshmitarët raportuan se e dëgjuan viktimën duke kërkuar ndihmë nga tarraca, por autori e goditi disa herë me thikë dhe më pas u plagos vetë në fyt gjatë tentativës për vetëvrasje. Ai ndodhet në Spitalin Niguarda në gjendje të rëndë.
