Banorët e Kukësit u zgjuan të alarmuar këtë mëngjes, pasi u raportua për një bombë ofensive në Bulevard, por burimet bëjnë me dije se granata ishte lodër.

Ngjarja ndodhi rreth orës 06:35 në zonën e njohur si Rruga e Turizmit, ku qytetarët konstatuan objektin e dyshimtë dhe njoftuan policinë. Menjëherë pas njoftimit, shërbimet e Policisë mbërritën në vendngjarje, siguruan perimetrin dhe shmangën çdo rrezik për banorët dhe kalimtarët.

Forcat xheniere nga Tirana u thirrën për të ç’aktivizuar granatën, ndërsa një grup hetimor po punon për të zbardhur rrethanat dhe për të identifikuar burimin apo autorët që mund ta kenë lënë lodrën në atë zonë. Ngjarja ka shkaktuar alarm, por fatmirësisht pa pasoja.